БАСПАЛДАҒЫ БІЛІМНІҢ БАСТАУЫШТАН БАСТАЛҒАН

Ораз Жандосов атындағы №30 жалпы орта білім беретін мектебінде 30-қаңтар күні «Баспалдағы білімнің бастауыштан басталған» атты бастауыш сынып әдістемелік бірлестігінің апталығы басталды.  

    Мақсаты: Бастауыш сынып оқушыларының сыни және логикалық ойлау  қабілеттерін дамыту арқылы функционалдық сауаттылығын арттыру, білімді шығармашылықпен қолдана білуге үйрету, ұлттық құндылықтар негізінде жеке тұлғаны қалыптастыру.

    Салтанатты жиынның ашылу іс-шарасын 1-сынып оқушылары әдеби-музыкалық кешпен жалғастырды. Апталықтың алғашқы күні «Қазақ тілі» пәніне арналды. 2 «Ә» сыныпта Э.К.Досалының «Жұрнақ пен жалғау», 4 «Ә» сыныпта А.Ә.Жұмабекованың «Көмектес септік», 4 «А» сыныпта Ш.Т.Ералинаның «Шығыс септік» тақырыбында ашық сабақтары өтті.