АТА-АНАЛАР ЖИНАЛЫСЫ ӨТТІ

Шымкент қаласы Білім басқармасына қарасты Ораз Жандосов №30 жалпы орта білім беретін мектебінде жаңа оқу жылының басталуына орай 05.09.-06.09.2023 ж. күні жалпы ата-аналар жиналысы болып өтті. 

     Күн тәртібінде мына мәселелер қаралды:

1. Мемлекет басшысы Қ.Ж.К.Тоқаевтың «Әділетті Қазақстанның экономикалық бағдары» атты жолдауын талдау.

2. Өткен 2022-2023 оқу жылдарына есеп беру.

3. Мектептің ішкі тәртіп ережесімен таныстыру.

4. Психологиялық ахуал

5. Әр түрлі мәселелер. (5-6 күндік оқу жүйесін талқылау)

6. Сұрақ-жауап

      Ата-аналар жиналысының көздеген басты мақсаты – бала тәрбиесіндегі ата - ананың алатын орнының ерекше екендігін түсіндіру, әр отбасының бала тәрбиесіне белсене қатысуының маңызын арттыру, баланың жақсы әдеттерді бойына сіңіріп өсу жолдарын ата-аналармен бірлесе қарастыру болды.  

Мектеп директоры Сихамбекова Жансұлу Абдразаққызы жиналысты 1-қыркүйек Мемлекет басшысы Қ.Тоқаевтың Қазақстан халқына арнаған Жолдауымен ашып, өткен 2022-2023 оқу жылындағы мектептің жетістіктері мен жаңа 2023-2024 оқу жылында ендірілген өзгерістерді және мектептің алға қойған мақсат-міндеттерімен ата-аналарды таныстырып өтті.

     Күн тәртібіндегі барлық мәселелер толығымен қамтылып, қарастырылды. 

Ата-аналар мектепке қатысты сұрақтарын қойып, көңілдеріне қонымды жауаптарын алып, мектеп әкімшілігі мен ұжымға толағай табыстар тіледі.

Ұрпақ тәрбиесі – ең ұлы міндет десек, осы міндетті мүлтіксіз орындау мектеп педагогтерімен қатар ата-аналардың да жауапкершілігінде. Сондықтан жиынның түйіні – бала болашағын қалыптастыруда ата-ана мен ұстаз үнемі бірлікте болуы керек екенін естен шығармау.