ҚАРТТАРЫМ АСЫЛ ҚАЗЫНАМ

Қарттар күні – мейірім мен шуаққа толы айтулы күн. Үлкенді сыйлау, оларға құрмет көрсету – ата-бабадан келе жатқан салтымыз. Қарттар күніне орай, еңбекке  деген құрметті жандандыру, жас ұрпақты еңбекқорлыққа және үлкенді сыйлауға, құрметтеуге баулу мақсатында Ораз Жандосов атындағы №30 жалпы орта білім беретін мектебінің мектеп парламенті белсенділері және оқушылары ардагер ұстаздарды құттықтап, ауласын жинауға көмек көрсетті. Оқушылар ардагер ұстаздардың батасын алып, дәм татты. Қарттарға қолқанат болуды әрқайсымыз өзімізге борыш санайық.