«ШЕБЕР ҚОЛДАР» АТТЫ КӨРМЕ ӨТКІЗІЛДІ

Оқушыларды эстетикалық тәрбие арқылы қоршаған ортадағы әсемдікті, үйлесімділікті көре білуге,алған әсерін  шығармашылық жұмысында бейнелей білуге үйрету мақсатында Ұлыстың ұлы күні - Наурыз мерекесіне орай технология пәнінің мұғалімдерімен бірлесе отырып Ораз Жандосов атындағы №30 жалпы орта білім беретін мектебінде қолөнер көрмесі ұйымдастырылды. Көрмеге оқушылар жасаған қазақтың  ұлттық мәдениетін дәріптейтін бұйымдар қойылды. Оқушылардың еңбектерінде жасыл жайлау, киіз үй, халықтың салт-дәстүрі, әдеп-ғұрпы, көктем мерекесінің көріністері бейнеленді.

Ұлттың, салт-дәстүрдің, әдеп-ғұрптың мән-мағынасын түсіндіріп, оны құрметтеуге тәрбиелейтін көрменің маңызы оқушылар үшін өте зор. Бұл көрме балалардың ойлау, қабылдау, зейін қабілеттерін дамыту, шығармашылық және шеберліктерін арттыруды көздеген көрме, өсіп келе жатқан ұрпаққа насихат ретінде ұйымдастырылды.