ЖАС ФУТБОЛШЫЛАР ЖЕҢІСПЕН ОРАЛДЫ

ЖАС ФУТБОЛШЫЛАР ЖЕҢІСПЕН ОРАЛДЫ

 Өткен демалыс күндері жасөспірімдер арасында футболдан турнир өтіп,  2011-2012 ж.т. кіші жасөспірімдер арасында «Даму кубогі» (Juniors cup) ашық қалалық  турнирі өз мәресіне жетті.

Турнирге қаламыздың әр ауданынан жастар командалары қатысты. Турнирде жас футболшылар өз шеберліктерін көрсетті. Матчтар өте тартысты  өтті. 

Турнирдің мақсаты — жастарды спортпен белсенді айналысуға шақыру, салауатты өмір салтын қалыптастыру, жастар арасында футболды насихаттау.

 Мектебіміздің 7 «В», 7 «Д» сыныптарынан құралған команда дәл осы қалалық турнирде І орынды иеленді. Жеңімпаз командаға арнайы кубок, медальдар және грамоталар табыс етілді. Бүгін мектеп директоры Жансұлу Абдразаққызы жас футболшыларды қабылдап, оларды спорттағы жеңістері үшін құттықтап, толағай табыстар мен жеңісті күндер тіледі. 

Біз де мектеп ұжымы атынан жас футболшыларға сәттілік тілеп, қазақ футболының дамуына үлес қоса беріңдер және әлемдік аренада қазақтың әнұранын шырқатып, көк байрағымызды көкке көтеріңдер дегіміз келеді.