БІЗДІҢ МАҚТАНЫШЫМЫЗ

БІЗДІҢ МАҚТАНЫШЫМЫЗ

Шымкент қаласы білім басқармасының «Экология, өлкетану және туризм орталығы» КММ-нің ұйымдастыруымен 2025 жылдың наурыз айындағы қалалық іс-шаралар жоспары аясында оқушылар арасында «Алтын қазына» көркем және сәндік-қолданбалы өнер бойынша балалар шығармашылығының республикалық көрме-байқауының қалалық кезеңі өтті.

Аталған байқаудың «Ұлттық нақыштағы интерьердің ерекше дизайн-жобасы: үйлер, бөлмелер, саяжайлар, ландшафт және т.б.» номинациясы бойынша Ораз Жандосов атындағы №30 жалпы орта білім беретін мектебінің 8 «Б»  сынып оқушысы Швидунова Ангелина жүлделі І орынды жеңіп алып, велосипед иегері атанды.

Шәкіртіміздің бұл жетістігі – оның таланты мен еңбегінің жемісі. Ангелинаны шын жүректен құттықтаймыз! Сонымен қатар, шығармашылық табыстарға жетелеуші жетекшісі Тамарова Елена Ивановнаға алғысымызды білдіріп, жаңа белестер тілейміз!