ҚУАНЫШТЫ ЖАҢАЛЫҚ!

ҚУАНЫШТЫ ЖАҢАЛЫҚ!

Әл-Фараби бабамыз «Математика – барлық ғылымдардың патшасы» деп бағаласа, ұлы Ломоносов «Математика – ақыл-ойды тәртіпке келтіреді» деген. Бұл сөздер бүгінгі жетістігімізге дәлел!

Шымкент қаласының «Дарын» орталығы  КММ және «ZERDELI» ақыл-ой дамыту мектебі» ЖШС ұйымдастырған бастауыш сынып мұғалімдеріне арналған республикалық «Алтын тұғыр» математикалық олимпиадасының қалалық кезеңінде Ораз Жандосов атындағы №30 жалпы білім беретін мектебі І дәрежелі дипломмен марапатталды!

Сонымен қатар, мектебіміздің мақтаныштары – бастауыш сынып мұғалімдері Свириденко Анна Николаевна және Декханбаева Дильназа Тахиржановна да жоғары нәтиже көрсетіп, І дәрежелі дипломға ие болды.

Бұл – үлкен еңбектің, білімге деген сүйіспеншіліктің және талмай ізденудің жемісі!

Баршаңызды осы жетістікпен шын жүректен құттықтаймыз! Алдағы уақытта шығармашылық табыстар мен биік белестерді бағындыра берулеріңізге тілектеспіз!