ЦИРККЕ САЯХАТ

ЦИРККЕ САЯХАТ

Шымкент қаласы білім басқармасына қарасты Ораз Жандосов атындағы №30 жалпы орта білім беретін мектебінің 5 «А» сынып оқушылары 28 ақпан күні Шымкент циркінде ұйымдастырылған қызықты қойылымға қатысып, тамаша әсер алып қайтты. Бүлдіршіндер цирк әлеміне еніп, түрлі ертегілердің көрінісіне куә болды. Әуе гимнастарының әдемі, әсерлі өнері, көңілді клоундардың әзілдері, түрлі жанрларды біріктірген қойылым балаларды таң қалдырды. Әртістердің кәсіби шеберлігі мен керемет өнері мектеп оқушыларының көңілінен шықты. Бұл сапар балалар үшін ерекше әрі есте қаларлық болды, олар цирк өнерінің қызықты әлеміне терең бойлап, көп көңіл көтерді.