«ҚҰҚЫҚТЫҚ ТӘРТІП ЖӘНЕ ӘЛЕУМЕТТІК ЖАУАПКЕРШІЛІК»

Сынып сағаты:

«ҚҰҚЫҚТЫҚ ТӘРТІП ЖӘНЕ ӘЛЕУМЕТТІК ЖАУАПКЕРШІЛІК»

 «Біртұтас тәрбие» бағдарламасы аясында Шымкент қаласы білім басқармасына қарасты Ораз Жандосов  атындағы №30 жалпы орта білім беретін мектебінде 5 «А,  6 «Ә» және 8 «А» сынып оқушыларымен «Құқықтық тәртіп және әлеуметтік жауапкершілік» тақырыбында сынып сағаттары мен қауіпсіздік сабақтары өткізілді. 

Сабақ барысында оқушылар құқық және міндет ұғымдары туралы түсінік алды. Олар түрлі жағдаяттарды талқылап, құқықбұзушылықтың алдын алу жолдары жайында ой бөлісті. Сонымен қатар тәрбие сағаты интерактивті түрде өтті: оқушылар сұрақ-жауап ойындарына қатысып, құқықтық мәселелерге байланысты қойылған тапсырмаларды орындады. Іс-шара соңында оқушылар құқықтық тәртіпті сақтау әр азаматтың міндеті екенін түсініп, өз ойларымен бөлісті.

Мақсаты: Оқушыларға құқықтық тәртіп пен әлеуметтік жауапкершілік туралы түсінік қалыптастырып, жанжалдың нәтижесіндегі жауапкершілік мәселесін түсіндіру, құқық бұзушылықтың алдын алу және оқушылардың өзін-өзі басқару, құқықтық сауаттылықтарын арттыру. Сонымен қатар, оқушылардың құқықтық мәдениетін дамыту арқылы оларды қоғамдағы өз орны мен жауапкершілігін сезінуге үйрету.

 Сынып жетекшілері: Н.Л.Тоқаев, Н.А.Жаримбетова, Убайдуллаева В. Л.