"ТҮЛЕКТЕРДІҢ АҒАШ ЕГУ" ЭКОЧЕЛЛЕНДЖІ 🌿

Шымкент қаласы білім басқармасына қарасты Ораз Жандосов атындағы №30 жалпы орта білім беретін мектебінде Қазақстан Республикасы Оқу-ағарту министрлігінің 2025 жылғы 20 наурыздағы №3-05-5/2079-И хатына сәйкес "TazaLIKE FEST" жол картасы аясында "Түлектердің ағаш егу" экочелленджі ұйымдастырылды.

Аталған экологиялық акция 2025 жылдың 14 сәуір күні 11 «В» сынып оқушыларының қатысуымен өтті. Іс-шара барысында мектеп түлектері мектеп ауласына шырша көшеттерін отырғызып, табиғатты аялауға, экологиялық мәдениетті арттыруға бағытталған игі бастамаға өз үлестерін қосты.

Бұл бастама – оқушылардың туған мектебіне деген шынайы ризашылығының, қоршаған ортаға жанашырлықпен қарайтын ұрпақ қалыптастыру жолындағы белсенділігінің айқын көрінісі.

11-сынып түлектері отырғызған әрбір ағаш – олардың білім ордасындағы жарқын іздерінің, сағынышқа толы естеліктерінің символы ретінде мәңгілік сақталмақ.