БАЛАЛАР КІТАБЫ КҮНІНЕ ОРАЙ ТАҒЫЛЫМДЫ ІС-ШАРА ӨТТІ

2 сәуір – Халықаралық балалар кітабы күніне орай Ораз Жандосов атындағы №30 жалпы орта білім беретін мектебінде ерекше әдеби шара өтті. Іс-шараны мектеп кітапханашысы Н.П. Игнатьева ұйымдастырды. Оның басты мақсаты – 3 «А» сынып оқушыларының кітапқа деген қызығушылығын арттырып, оқу мәдениетін қалыптастыру болды.

 Шара барысында балалар түрлі қызықты кітаптармен танысып, ертегілер мен әңгімелерден үзінділер тыңдады. Сондай-ақ, кітаптың адам өміріндегі маңызы туралы ой қозғалып, оқушылар өздеріне ұнаған шығармалар жөнінде пікірлерін білдіруге мүмкіндік алды.

 Бұл әдеби басқосу жас оқырмандардың кітапқа деген сүйіспеншілігін оятып, олардың рухани дамуына серпін берді. Кітап – білімнің сарқылмас қайнар көзі екенін ұғынған бүлдіршіндер алдағы уақытта да кітапханаға жиі келіп, көркем әдебиет әлемімен тереңірек танысуға ниет білдірді.